வாழைப் பூ வடை

தேவையான பொருட்கள்

வாழைப் பூ                                   - 1
துவரம் பருப்பு                               - 100 கிராம்

கடலைப் பருப்பு                            - 100 கிராம்
மிளகாய் வற்றல்                           - 10
சின்ன வெங்காயம்                        - 2
பூண்டு                                          - 3 பல்
சீரகம்                                           - 1 ஸ்பூன்
சோம்பு                                         - 1 ஸ்பூன்
கறிவேப்பிலை                              - கொஞ்சம்
எண்ணெய்                                   - 150 கிராம்
உப்பு                                            - தேவையான அளவு
மிளகாய்த்தூள்                             - தேவையான அளவு

செய்முறை

கடலைப் பருப்பு, துவரம் பருப்புகளை ஊற வைத்து நெறு நெறுவென அரைத்துக்  கொள்ளவும்.
வாழைப் பூவைச் சுத்தம் செய்து நரம்புகளை நீக்கிப் பொடியாக நறுக்கிக் கொள்ளவும்.
வெங்காயத்தைச் சிறு சிறு துண்டுகளாக வெட்டிக் கொள்ளவும்.
நறுக்கி வைத்துள் வாழைப்பூவை, நெறு நெறுவென அரைத்து வைத்துள்ள பருப்புகளோடு சோம்பு, பூண்டு சேர்த்து அரைத்து, வெங்காயத் துணடுகளையும் சேர்த்துப் பிசைந்து, தேவையான உப்பும், மிளகாய்த் தூளும் சேர்த்துக் கொள்ளவும்.
பிசைந்து வைத்திருக்கும் மாவை அடுப்பில் வாணலியில் காய்ந்து கொண்டிருக்கும் எண்ணெயில், சிறிய வடைகளாகத் தட்டிப் போட்டு, பொன் நிறமாக வெந்ததும் எடுத்துச் சாப்பிடவும்.