கேரட் சூப்

தேவையான பொருட்கள்

கேரட்                               - 4

சின்ன வெங்காயம்      - 10

மைசூர் பருப்பு                - 2 மேஜைக் கரண்டி

பாசிப்பருப்பு                    - 2 மேஜைக் கரண்டி

பால்                                  - 100 மில்லி

கொத்தமல்லித்தழை   - சிறிதளவு

மிளகுத்தூள்                    - 1 தேக்கரண்டி

வெண்ணெய்                  - 1 மேஜைக்கரண்டி

உப்பு                                  - தேவையான அளவு

செய்முறை

1. கேரட், சின்ன வெங்காயம் ஆகியவற்றை தோல் நீக்கி சிறு துண்டுகளாக நறுக்கிக் கொள்ளவும்.

2. குக்கரில் வெண்ணெயை உருக்கி, நறுக்கிய வெங்காயம், கேரட் சேர்த்து 5 நிமிடம் வதக்கவும்.

3. மைசூர் பருப்பு, பாசிப்பருப்பு, 300 மில்லி தண்ணீர் சேர்த்து, குக்கரில் 2 விசில் வரும் வரை வேக வைக்கவும்.

4. குக்கரில் ஆவி அடங்கியதும், வடிகட்டி, அரைத்து, பின்னர் மீண்டும் அதே வேகவைத்த தண்ணீருடன் சேர்த்து, உப்பு சேர்த்து மீண்டும் 2 நிமிடம் கொதிக்க விடவும். 

5. பிறகு இதனுடன் காய்ச்சிய பால், மிளகுத்தூள், கொத்தமல்லித்தழை ஆகியவைச் சேர்த்து பரிமாறவும்.